1ltle19p0oodmn40706anq8v0noup4
تقارير وحقائق تقارير وحقائق

آخر الأخبار

ادام وحواء
جاري التحميل ...
ادام وحواء

"أغبى معركة في التاريخ"3

"أغبى معركة في التاريخ"


معركة ' كارانسيبيس ' وتصنيفها ع انها اغبى معركة في التاريخ يرجع للشخص اللي بيعرض المعركة ؛ لكن ممكن انت كقارئ تشوف اغبى منها عادي :"D ف دي اراااء , 



كارانسيبيس كانت سنة 1788 ميلاديا ، بين الجيش العثماني ودولة النمسا .. - الهاشتاج هتلاقوا عليه كذا بوست لتاريخ الدولة العثمانية -

كان ايه سبب الحرب دي ؟

السبب توسعات وزيادة قوة الخلافة العثمانية ،

والنمسا طبعا كانت من اشرس الدول اللي بتهاجم الخلافة دي ، فهجمت على قرية تابعه للخلافة العثمانية وقررت تحاصرها ، كنوع من الضغط على الدولة العثمانية .. ولو بدأت باحتلال قرية هتنتهي بإسقاط الخلافة اكيد - ع حسب تخطيطهم يعني - ..

ومكانها بظبط في رومانيا حاليا , كان اسم القرية دي كارانسيبيس ، والحرب اتسمت نسبة للمكان اللي حصل فيه الحرب ..

الجدير بالذكر في الموضوع ان الحرب خلصت من غير حرب ومن غير ما الجيش العثماني يتدخل اصلا :"D !

الي حصل كالتالي :

مجموعة فرسان من جيش النمسا عبروا النهر اللي بعد القرية عشان يتتبعوا اثار العثمانيين ويتقصوا الاخبار لو في اغارة في اي وقت يبقو جاهزين ،

راحو وملقوش حد وقعدو يستريحوا شوية لحد ما يرجعوا تاني للمعسكر ..

قابلهم ناس بتبيع خمر ، وعرضت عليهم انهم يشترو ويروو عطشهم .. طبعا ازازة البيرة الساقعه ف جو حر وانت تعبان اساسا ومرهق هتبقا اخر مزاج :"D

كانو جنود - ع*وق حبتين يعني - وقعدوا يشربو الخمرة ومزاجهم عنب ونسوا المعسكر ،

المعسكر استشعر تأخر الفرسان اللي بعتهم يتقصو اخبار العثمانين فبعت كتيبة مشاة صغيرة تتتبع اثارهم ,

وهم ماشيين سمعوا صوت الفرسان السكرانين وهم عمالين يضحكو ويزعقوا بصوت عالي فحبو ينضمو ليهم في الشرب وتبقا ليلة كلها فسق وكدة ،

الفرسان رفضو وقالو منشلش ذنبكم كفاية ذنبنا يعني :""D

واحد من كتيبة المشاة قعد يزعق اعتراضا على منعهم من المشاركة في جلسة الشيطان دي ، فواحد من الفرسان السكرانين طلع بندقيته وطخه ، هو مزاجه عالي ومش طالبة معاه دوشة ..

مؤخرة الكتيبة سمعت صوت اطلاق النار قالك بس دول العثمانيين هجمو ، يلا نرجع المعسكر ،

رجعوا جري للمعسكر رافعين البنادق بيضربوا ف الهوا وبيزعقو بيقولو "العثمانين بيهجموا" بس كل واحد بيزعق بلغة مختلفة ، - لان بالمناسبة الجيش النمساوي كان فيه عدة لغات زي الالمانية والصربية والكرواتية والفرنسية ..الخ - والجيش ضخم عدده ١٠٠ الف فمحدش فاهم التاني ولا يعرفو بعض ،

فمقدمة المعسكر فكروا الكتيبة اللي بتجري عليهم دي من العثمانين وبدأو الهجوم والفوضى عمت المكان وبقت مولد ،

قام كل واحد ماسك سلاحه وشغال ضرب ف اللي جنبه واي حد يقابله ..

اتقتل في المعركة ١٠ الاف جندي غير الجرحى ، والباقي هرب ورجعوا على الاطراف يجمعوا نفسهم تاني وانسحبوا ،

١٠ الاف اتقتلوا من جيشهم ، من غير تدخل العدو اصلا .. متخيل المسخرة ؟ :""D

الجيش العثماني وصل بعد الحادث ده بيومين واتفاجئ بالارض اللي مليانه قتلى وجرحى من غير ما حد يكلمهم - وكفى الله المؤمنين القتال - :""D

--

المصدر : كتاب غرائب التاريخ الاسلامي

التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

زوار المدونة

احصاءات المدونة

جميع الحقوق محفوظة

تقارير وحقائق

2016